Залюднены мікробус перакуліўся пад Гародняй

Аварыя адбылася недалёка ад места Шчучына.

Аварыя здарылася на трасе М6. На месцы здарэння працуюць праваахоўнікі і медыкі.

Недалёка ад места Шчучына Гарадзенскай вобласці перакуліўся мікробус. Аб гэтым піша Telegram-канал "АвтоГродно".

Паведамляецца, што ДТЗ адбылося на трасе М6.

На месцы аварыі працуюць тры экіпажы ДАІ, брыгады хуткай дапамогі. Рух на гэтым адцінку дарогі абцяжараны.

Як расказала адна з відавочцаў здарэння, мікробус быў поўны, усе жывыя.

«Мікробус Ліда-Горадня. Поўны. Шмат моладзі. Людзі маюць парэзы і ўдары. Усе жывыя. Я спынілася — дапамагала выходзіць пасажырам праз люк», — расказала яна.