Колькі беларусы могуць зарабіць на лісічках?

Агучаныя кошты ў нарыхтоўчых пунктах.

Для захопленых «ціхім паляваннем» беларусаў сезон збору лісічак — не толькі хобі, але і магчымасць зарабіць. У Tiktok з'явілася відэа, пад якім жыхары рэгіёнаў агучылі кошт за лісічкі ў нарыхтоўчых пунктах на канец чэрвеня. Журналісты telegraf.news паглядзелі, дзе заплацяць за кіло больш за ўсё, а ў якіх раёнах прымаюць "за капейкі".

Адзін з карыстальнікаў TikTok пацікавіўся ў каментатараў коштам кілаграма лісічак у розных рэгіёнах. Беларусы пакінулі пад відэа звыш 100 каментароў, дзе і расказалі пра расцэнкі.

Менш за ўсё гатовы плаціць за лісічкі беларусам у пацярпелых ад Чарнобыльскай катастрофы рэгіёнах. Так, у Лоеўскім і Брагінскім раёнах пад Гомелем цэннік за кіло - 4 рублі. У Ельскім раёне - 5 рублёў.

У той жа час кошт лісічка ў незабруджаных раёнах каштуюць вышэй. Напрыклад, у Калінкавічах можна здаць кілаграм лісічак за 10 рублёў, пасля дажджу — за 9. Пад Рагачовым лісічкі здаюць за 6 рублёў. У Рэчыцы і Лельчыцкім раёне і Мазыры - па 7 рублёў. Пад Жыткавічамі, у Петрыкаўскім і Кастрычніцкім раёнах і ў Хойніках - 8 рублёў. У Светлагорску ад 8 да 8,50 рублёў, а ў Добрушы і Жлобіне па 10 рублёў за кілаграм.

У Гарадзенскай вобласці цэннік 10 рублёў за кілаграм, але не ўсюды. Так, у Ашмянах заплацяць 8 рублёў, у Слоніме - 9 рублёў. У Дзятлаве, Навагрудку, Лідзе - 10 рублёў, у Астраўцы - па 11 рублёў. У самой Гародні - 12 рублёў.

На Берасцейшчыне кошт таксама вагаецца. У сярэднім па вобласці лісічкі прымаюць па 10—12 рублёў. Але ёсць раёны, у якіх можна «пратраціць» Так, у Століне нарыхтоўчыя пункты прымаюць лісічкі ўсяго толькі за 5 рублёў. У Целяханах – 6 рублёў. Пад Кобрынам можна здаць па 6 рублёў, а недзе і па 10.

Пад Менскам кошт таксама вагаецца. У Валожыне беларусам, якія сабралі кілаграм лісічак, прапануюць здаць іх за 8 рублёў. У Вілейскім раёне кошт вагаецца адчувальна. У раёне плацяць 8 рублёў за кіло, у самой Вілейцы - 11 рублёў. У Слуцку - 9 рублёў, У Любані, Старадарожскім і Лагойскім раёнах - 10 рублёў за кіло.

На Магілёўшчыне цана за кіло лісічак таксама адрозніваецца. У Слаўгарадзе мокрыя «радыяцыйныя» грыбы прымуць за 4 рублі, чыстыя - за 7 рублёў. У Чачэвічах пад Быхавам 9,50 рублёў. У Глыбокім здаюць па 10 рублёў. У Клічаве - 12 рублёў за кіло. Некаторыя жыхары Магілёўшчыны гавораць, што можна знайсці месцы, дзе прымаюць і за рэкордныя 14 рублёў, але дзе менавіта, не ўдакладняюць.

Пад Полацкам і Расонамі ў Віцебскай вобласці грыбнікі зарабляюць на лісічках, здаючы іх па 10 рублёў за кіло.