Аналітык: Лукашэнка баіцца за бяспеку сям'і

У Беларусі - поўны дысфункцыянал улады.

Аналітык Сяргей Чалы ў сваёй праграме назваў заканамерны вынік кіравання Лукашэнкі:

- Які ж вынік кіравання кожнага папуліста? Гэта поўны дысфункцыянал улады.

У сітуацыі, калі ў вас нармальная канстытуцыйная працэдура змены ўлады аб'яўляецца экстрэмісцкай і тэрарыстычнай, не дзіўна, што на чыноўнікаў жах наводзіць адна толькі думка "што ж будзе без Лукашэнкі".

Таму ў наступным годзе як ніколі актуальным стане яшчэ адзін лозунг Лукашэнкі 1994 года: “Эра сямідзесяцігадовых кіраўнікоў заканчваецца. Беларусь мае патрэбу ў новых людзях і новай палітыцы”.

Актуальным ён робіцца не толькі таму, што дыктатару да гэтага моманту будзе роўна 70 гадоў, і не таму, што, як лічаць некаторыя аналітыкі, Лукашэнка не разумее, як пабудаваць сістэму транзіту ўлады з гарантый бяспекі для сваёй сям'і.

Напраўду ён і раней гэтага не разумеў, а зараз дакладна ведае, што ніяк не можа пабудаваць такую сістэму.

Але транзіт улады рана ці позна адбудзецца - гэта непазбежна. Проста калі ты не можаш зрабіць гэта кіравана, ён адбудзецца без тваёй волі і катастрафічна, - сказаў на заканчэнне Чалы.