Кіраўніца Бундэсрата Нямеччыны прыбыла з візітам у Кіеў

Запланаваны шэраг важных сустрэч.

У панядзелак 24 чэрвеня кіраўніца Бундэсрата Нямеччыны Мануэла Швезіг прыбыла з візітам у Кіеў. Яна ўпершыню наведала Украіну ў якасці кіраўніцы Федэральнай рады.

На працягу дня Швезіг плануе правесці шэраг перамоў з кіраўніцтвам краіны. Аб гэтым паведамляе obozrevatel.com са спасылкай на нямецкае выданне Stern.

Прадстаўніца Сацыял-дэмакратычнай партыі Нямеччыны прыбыла ў Кіеў на цягніку. Цягам дня Швезіг плануе правесці палітычныя перамовы.

Кіраўніца Бундэсрата заявіла, што ейны візіт у Кіеў з'яўляецца знакам салідарнасці з Украінай. Таксама Швезіг падкрэсліла, што Украіна павінна перамагчы ў вайне супраць РФ.

Акрамя таго, палітык дадала, што краіна-тэрарыстка Расея не павінна пазбегнуць пакарання.