У Менск прыляцеў Сяргей Лаўроў

Кіраўнік МЗС РФ сустрэнецца з Лукашэнкам.

Міністр замежных спраў РФ Сяргей Лаўроў прыбыў з двухдзённым афіцыйным візітам у Беларусь. Самалёт кіраўніка расейскай дыпламатыі прызямліўся ў аэрапорце Менска, піша ТАСС.

Афіцыйная прадстаўніца МЗС РФ Марыя Захарава адзначала, што візіт прымеркаваны да 32-й гадавіны ўстанаўлення дыпламатычных стасункаў паміж дзвюма краінамі.

Праграмай візіту прадугледжаныя перамовы з Лукашэнкам, Наталляй Качанавай і кіраўніком «палаткі» Ігарам Сяргеенкам.

Акрамя таго, кіраўнік МЗС РФ правядзе перамовы з беларускім калегам Сяргеем Алейнікам.