УЕФА дазволіў Мбапе гуляць у чорнай масцы

Вяртанне лідара нацыянальнай каманды Францыі на поле чакаецца ў гульні з Польшчай.

УЕФА дазволіў форварду нацыянальнай каманды Францыі Кіліяну Мбапе гуляць у ахоўнай масцы чорнага колеру, піша RMC Sport.

Мбапе атрымаў пералом носа ў першым матчы турніру з Аўстрыяй 17 чэрвеня (1:0) і прапусціў гульню з Нідэрландамі (0:0). Яму не спатрэбілася аперацыя. Вяртанне футбаліста на поле чакаецца ў гульні з Польшчай 25 чэрвеня.

Мбапе 20 чэрвеня трэніраваўся ў масцы ў колерах французскага сцяга, але правіламі УЕФА выкарыстоўваць яе падчас матчу забаронена - маска павінна быць аднаго колеру і не павінна ідэнтыфікаваць каманду або вытворцу.

На апошняй масцы Мбапе напісанае яго імя белым колерам.

Нацыянальная каманда Францыі з чатырма баламі займае другое месца ў групе D і можа прайсці ў плэй-оф яшчэ да матча з палякамі.

Калі ў панядзелак увечары албанцы (адзін бал) не змогуць перамагчы гішпанцаў, то французы нават у выпадку пройгрышу ўжо патрапяць як мінімум у чацвёрку найлепшых нацыянальных каманд, якія занялі трэція месцы.