ЕЗ афіцыйна пачаў перамовы аб уступленні з Украінай і Малдовай
2- 25.06.2024, 12:00
- 1,782
Брусэль пачаў падрыхтоўку спецыяльнай міжурадавай канферэнцыі.
Кіраўніца Еўракамісіі Урсула фон дэр Ляен паведаміла, што Еўразвяз афіцыйна пачаў перамовы аб уступленні з Украінай і Малдовай.
«Віншуем Малдову і Украіну з пачаткам перамоў аб уступленні. Гэта вельмі добрая навіна для народа Украіны, Малдовы і ўсяго Еўрапейскага Звязу. Шлях наперадзе будзе складаным, але поўным магчымасцяў», - заявіла яна ў X (Twitter).
21 чэрвеня рада Еўрапейскага Звязу афіцыйна зацвердзіла перагаворныя рамкі аб уступленні Украіны і Малдовы. Ужо сёння ЕЗ пачне падрыхтоўку да міжурадавых канферэнцый з гэтымі краінамі.