Літва забароніць некаторым чыноўнікам выязджаць у Беларусь
2- 27.06.2024, 9:41
- 3,246
![Літва забароніць некаторым чыноўнікам выязджаць у Беларусь](https://i.c97.org/ai/288993/aux-head-1525620139-20180506_litva_s.png)
Забарона закране 56 тысяч чалавек.
Літоўцам, якія працуюць з сакрэтнай інфармацыяй, будзе забаронена выязджаць у Расею, Беларусь і Кітай. Адпаведныя папраўкі да закона «Аб дзяржаўнай і службовай таямніцы» адобрыў 26 чэрвеня кабінет міністраў Літвы, піша lrt.lt.
Цяпер законапраект будзе разглядацца ў Сейме.
Распрацоўкай закону займалася Міністэрства абароны. У ведамстве гавораць, што папраўкі маюць на мэце абараніць дзяржаўных службоўцаў якія працуюць з сакрэтнай інфармацыяй, ад дзейнасці замежных спецслужбаў. Адпаведныя захады былі прынятыя пасля папярэджанняў з боку разведкі, што літоўцаў, якія маюць доступ да сакрэтнай інфармацыі, спрабуюць вербаваць.
Паводле ацэнак Мінабароны, абмежаванне закране амаль 56 тысяч чалавек.