У Нарачанскім краі прадаюць дом з краявідам на возера

«Упакаваны», але без празмернасцяў.

Галоўны плюс гэтага дому – з яго вокнаў адкрываецца выдатны краявід на водныя прасторы возера Мядзел. Зрэшты, ён і сам па сабе нядрэнны – якасна пабудаваны, з добрым рамонтам. Жыць тут, калі дазваляе праца, можна хоць круглы год – падведзены ўсе камунікацыі, ёсць печ і чыгунны камін, у планіроўцы знайшлося месца для сучаснага санвузла, піша realt.by.

Гэты дом стаіць у вёсцы Слукі. Месца высокае, таму возера Мядзел, да берага якога ўсяго паўтара кіламетра, выдатна праглядаецца з вокнаў другога паверха. Да Менска 142 кіламетры і вы абавязкова будзеце праязджаць праз горад Мядзел і ўздоўж берага Нарачы.

Дом быў пабудаваны адносна нядаўна – у 2017 годзе. Канструкцыя сцен змешаная: аснова з драўлянага бруса ўцепленая, абтынкованая і афарбаваная. Фасад стылізаваны пад фахверк з дапамогай драўляных элементаў і аканіц на ПВХ вокнах.

Агульная плошча дому – амаль 120 м2. На першым паверсе размешчаныя гасцёўня з зонай кухні, дзве спальні і сумешчаны санвузел.

На другім яшчэ дзве спальні і вялікі хол з выхадам на балкон, з якога, уласна, і адкрываецца краявід на возера.

У доме добры рамонт. У першую чаргу звяртаюць на сябе ўвага бэлькі на столі, адшліфаваныя падлогі з масіву і працоўная печ. Сцены аздоблены блок-хаўсам і часткова шпалерамі. Пакоі другога паверха аздоблены вагонкай. У адным з пакояў стаіць камін.

У доме створаны камфортныя ўмовы пражывання – падведзена вада са свідравіны, зроблена каналізацыя. Нагрэў вады – у электрабойлеры. У санвузле падлога з падагрэвам.

Ацяпляць дом можна электраканвектарамі, печкай і чыгунным камінам.

Участак прыстойных памераў – 33 соткі. На ім маецца хлеў, зроблены падмурак пад лазню і барбекю, па перыметры ўсталяваны плот.

Аб'ект, безумоўна, цікавы і ў плане лакацыі, і вонкавага выгляду, і забяспечанасці сучаснымі выгодамі. Аднак і просяць за яго не так ужо і мала – 39 900 даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com