«Ядзернае медзведзяня» і «шапачка з фольгі»: хакеры ўзламалі пошту памагатага Мядзведзева

Кансультант намеснік кіраўніка Савета бяспекі РФ верыць у тэорыі змовы і баіцца Wi-Fi.

Украінскія хакеры каманды «Кібер Супраціў» ўзламалі пошту Аляксея Заклязьмінскага, які з'яўляецца памочнікам намесніка старшыні Савета бяспекі Расейскай Федэрацыі Дзмітрыя Мядзведзева. Частку іх перапіскі апублікаваў партал InformNapalm.

Хто такі Аляксей Заклязьмінскі

Даследуючы перапіскі Аляксея Заклязьмінскага, хакеры празвалі яго «Шапачка з фольгі», бо ён верыць у тэорыі змовы і ўважае Wi-Fi сеткі галоўнай пагрозай здароўю расейскіх дзяцей». У сваёй пошце ён захоўвае «навуковыя» публікацыі на гэтую тэму, у адной з якіх гаворыцца, што пад уплывам цыфравізацыі «чалавечыя дзіцяняты…не ўспрымаюць другога чалавека як супляменніка».

Прааналізаваўшы біяграфію і перапіскі Аляксея Заклязьмінскага, аўтары матэрыялу прыйшлі да высновы, што ён кансультуе Дзмітрыя Мядзведзева ў сферы адукацыі і навукі, а таксама адсочвае ўсе запланаваныя мерапрыемствы з ягоным удзелам.

Акрамя таго, на яго пошту рэгулярна прыходзяць падборкі аб даследаваннях, аналітыцы і высновах ад Інстытута стратэгічных даследаванняў і эканомікі ведаў «Вышэйшай школы эканомікі» (ВШЭ). Асабліва вялікая ўвага надаецца Арктыцы. З гэтага вынікае, што ВШЭ ўплывае на фармаванне палітыкі Савета бяспекі РФ.

Што хавае пошта памочніка Дзмітрыя Мядзведзева

Падчас поўнамаштабнай вайны Дзмітрый Мядзведзеў запомніўся сталымі ядзернымі пагрозамі на адрас краін Захаду, праз што атрымаў ад аўтараў матэрыялу мянушку «ядзернае медзведзяня». Ён таксама пагражаў, што Еўропа змерзне без расейскага газу. Пры гэтым у адной з перапісак хакеры выявілі сцэнар дыялогу, падрыхтаванага памочнікамі для намесніка кіраўніка Савета бяспекі РФ, у якім жыхарка толькі што газіфікаванага дома Ленінградскай вобласці кажа, як жа было цяжка фізічна і дорага ацяпляць дом дровамі і вугалем.

У сцэнары прапісана, што перад падключэннем газазабеспячэння да дома гендырэктар Газпрама ў рэгіёне Вячаслаў Бузін павінен сказаць: «Паважаныя Дзмітрый Анатольевіч (Мядзведзеў) і Аляксандр Валянцінавіч (Новак) дазвольце падключыць дом сям'і Калінкіных да сетак газаразмеркавання?». Далей ідзе рэпліка намеснік кіраўніка Савета бяспекі РФ: Дазваляем!».

На пошце Аляксея Заклязьмінскага таксама захоўваліся чарнавікі артыкулаў, якія рыхтаваліся для Дзмітрыя Мядзведзева. Хакеры звярнулі ўвагу на праўкі да артыкула, у якім падводзіліся вынікі 2022 года. Рэцэнзент артыкула заявіў, што трэба замяніць словы «цяжкі год» на «драматычны», «жыццёвую неабходнасць» на «крытычную» і да таго падобнае.

Акрамя таго, з паштовай дакументацыі Аляксея Заклязьмінскага вынікае, што Дзмітрый Мядзведзеў задзейнічаны ў працэсе пераводу расейскай эканомікі на вайсковыя рэйкі. Пра гэта кажуць атрыманыя яго офісам скаргі кіраўніцтва «Тульскага патроннага завода», у якога ўпалі аб'ёмы продажаў патронаў праз санкцыі, бо 85% вытворчасці прыпадала на экспарт. У сувязі з гэтым прадпрыемства просіць дзяржструктуры РФ купляць больш патронаў.

Таксама выяўленыя рэкамендацыі па субсідаванні супрацоўнікаў вытворцы дронаў АТ «Кранштат» і прапановы Дзмітрыя Мядзведзева прэзідэнту РФ Уладзіміру Пуціну па распрацоўцы новых узораў сталі для броні Магнітагорскім металургічным камбінатам.

Аўтары матэрыялу падкрэслілі, што гэта маленькая частка масіву звестак, здабытых хакерамі. Не выключана, што ў будучыні журналісты змогуць апублікаваць і іншую цікавую інфармацыю з пошты памочнікаў Дзмітрыя Мядзведзева.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com