Лукашысты нясуць ахінею
15- 27.06.2024, 15:25
- 25,066
Неадэкватны не толькі дыктатар.
Лукашэнку часта абвінавачваюць у неадэкватных выказваннях. Але яго падначаленыя нібы стараюцца не адставаць.
Сайт udf прыводзіць прыклады апошніх месяцаў.
Кіраўнік адміністрацыі Лукашэнкі: Захад працягвае праект нацыстаў
Дзмітрый Круты ўвесь час выступае з заявамі, пасля якіх хапаешся за галаву. І вось новае неадэкватнае выказванне экс-амбасадара Беларусі ў Расеі (сёння прызначаны кіраўніком адміністрацыі Лукашэнкі – рэд.).
На мерапрыемстве ў дыппрадстаўніцтве, прысвечаным Дню ўсенароднай памяці ахвяр Вялікай Айчыннай вайны, які адзначаецца 22 чэрвеня, Круты завіў:
«Фактычна сёння Захад - гэта прадаўжэнне таго самага нацысцкага праекта, і тут, я думаю, не трэба падбіраць нейкіх нават іншых слоў. Ідэя перавагі адных народаў над іншымі - Вашынгтон, Лондан, сусветныя цэнтры, як яны сябе ўважаюць, працягваюць ісці пратаптаным даўно шляхам, не бачачы нікога сабе роўным, спрабуюць захаваць аднапалярны парадак каланіяльнага тыпу па выпампоўванні рэсурсаў, няхай гэта будзе прыродных, няхай гэта будзе людскіх. Уласна, мадэль не памянялася асабліва. Нацызм - самая простая, самая зразумелая і самая хуткая ідэалогія для ўкаранення ў масы».
Аб Расеі, якая напала на Украіну, Круты, вядома ж, нічога не сказаў.
Кіраўнік Белкаапсаюза: гандлёвыя сеткі павінны адлічваць адсоткі «на сельскі гандаль»
Белкаапсаюз дзесяцігоддзя генеруе страты і нізкую якасць гандлю ў вёсцы толькі дзякуючы ўпартасці Аляксандра Лукашэнкі, які адмаўляецца ліквідаваць фактычна дзяржаўную манаполію.
Кіраўнікі Белкаапсаюза ўжо настолькі абнахабіліся, што нядаўна старшыня праўлення структуры Інэса Караткевіч прапанавала:
«Была такая думка, каб…прагаварыць з уласнікамі некаторых сетак і, заручыўшыся іх падтрымкай у частцы таго, каб сфармаваць нейкі фонд адлічэнняў з тых суб'ектаў гаспадарання, якія ажыццяўляюць гандлёвую дзейнасць, якія больш за 50% свайго аб'ёму абарачэння фармуюць у горадзе, каб адсоткі яны адлічвалі».
Кажучы простымі словамі, Караткевіч хоча, каб іншыя гандлёвыя сеткі спансавалі Белкаапсаюз.
Міністр юстыцыі: беларусы павінны жыць паводле запаветаў Лукашэнкі, агучаных на УНС
Міністр юстыцыі Яўген Каваленка пасля правядзення «Усебеларускага народнага сходу» ў выглядзе канстытуцыйнага органа правёў сустрэчу з падначаленымі ў Менску, на якой запатрабаваў, каб «асноўныя парады» з выступлення Лукашэнкі выкарыстоўваліся не толькі дзяржслужбоўцамі, але і ўсімі грамадзянамі - як у рабоце, так і у паўсядзённым жыцці.
Нагадаем, што Каваленка быў прызначаны міністрам юстыцыі зусім нядаўна - у красавіку гэтага года. Відаць, так своеасабліва чыноўнік надумаў праявіць сваю падзяку і лаяльнасць.
Намеснік міністра адукацыі: беларуская дашкольная адукацыя не мае аналагаў у свеце
Аляксандр Кадлубай здзівіў не толькі гэтым адарваным ад рэальнасці сцвярджэннем. Але і тым, якім чынам абгрунтаваў сваю заяву.
«Аляксандр Лукашэнка на Рэспубліканскай педагагічнай нарадзе ацаніў беларускую дашкольную адукацыю як не маючую аналагаў у свеце. Гэта найвышэйшая ступень прызнання якасці працы ўсёй сістэмы дашкольнай адукацыі», – сказаў намеснік міністра адукацыі.
Пасля такіх слоў за беларускую адукацыю становіцца страшна.
Дэпутат палаты прадстаўнікоў: актыўнасць у сацсетках сведчыць аб дэградацыі асобы
«Дэпутатка» Ірына Даўгала ў інтэрв'ю газеце «Звязда» абурылася:
«Чалавек сёння прачынаецца і перш за ўсё мацае каля падушкі смартфон, з якім некалькі гадзін таму засынаў… Я наогул мяркую, што калі чалавек выкладае сваё асабістае жыццё, да дробязяў, на ўсеагульны агляд, гэта сведчыць пра пэўную дэградацыю асобы».
Многія, напэўна, паспрачаліся б з такім сцвярджэннем, заявіўшы ў адказ, што аб дэградацыі асобы сведчаць хутчэй такія выказванні.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
