У Нямеччыне ўзяліся за пастаўкі люксавых аўто ў Беларусь

У офісах аўтадылераў ідуць ператрусы.

Пракуратура падазрае іх у парушэнні эмбарга на продаж у Расею люксавых аўтамабіляў, паведамляе «Нямецкая хваля».

Паводле версіі следства, падазраваныя ўводзілі нямецкія ўлады ў зман, паведамляючы, што аўто экспартуюцца ў Беларусь, Казахстан, Кыргызстан і Турцыю. Насамрэч, мяркуе пракуратура, яны былі прададзеныя ў Расею.

На гэты момант праваахоўнікі расследуюць факты продажу 190 аўтамабіляў. 26 чэрвеня ў офісах аўтадылераў прайшлі ператрусы. Як паведамляе пракуратура, падчас ператрусаў былі атрыманыя «шырокія довады», а таксама арыштаваныя рахункі больш чым на 4,5 мільёны еўраў.

Раней стала вядома, што Нямеччына і Францыя заблакавалі ўвядзенне новых еўрапейскіх санкцыяў супраць Беларусі. Размова ішла, прынамсі, аб забароне на ўвоз заходніх аўтамабіляў у Беларусь. Забарона закране толькі аўтамабілі, якія могуць быць выкарыстаныя ў вайсковых мэтах.

За шырокую забарону выступалі краіны Балтыі і Польшча, якія падкрэслівалі, што гэтыя тавары праз «беларускае акно» трапляюць у Расею.

Берлін і Парыж мяркуюць, у сваю чаргу, што ў пытанні санкцый нельга ставіць Менск і Маскву на адну чашу шаляў, бо Беларусь усё яшчэ наўпрост не ўдзельнічае ў вайне Расеі супраць Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com