Партызаны расказалі падрабязнасці аб сістэме СПА, якая прыкрывае дачу Пуціна ў Сочы
- 27.06.2024, 16:36
- 6,252
![Партызаны расказалі падрабязнасці аб сістэме СПА, якая прыкрывае дачу Пуціна ў Сочы](https://i.c97.org/ai/600657/aux-head-1719495544-20240627_atesh_360.jpg)
І заклікалі расейскіх вайскоўцаў ісці на супрацоўніцтва, каб выжыць.
Партызанскі рух выявіў сістэму СПА, якая прыкрывае дачу дыктатара Пуціна ў Сочы. Агент змог паказаць яе дакладнае месцазнаходжанне.
Пра гэта паведамляе РБК-Украіна са спасылкай на рух супраціву «Атэш».
«Наш агент паведаміў аб выяўленні сістэмы супрацьпаветранай абароны «Панцыр-С1» у Сочы. Гэты комплекс размешчаны ў 15 км ад Бачарова Ручая ў Сочы», - гаворыцца ў паведамленні.
Як адзначаюць партызаны, ён прызначаны для абароны ад паветраных пагроз і змяшчае ракеты, зенітныя гарматы, а таксама радар выяўлення і адсочвання паветраных цэляў.
Рух супраціву паказаў дакладныя каардынаты аб'екта:
▪ 43.534815, 39.813225
«Дзякуючы гэтай інфармацыі САУ могуць праводзіць ацэнку вайсковых магчымасцей, размеркавання сіл на тэрыторыі РФ і планаваць аперацыі па ліквідацыі важных вайсковых аб'ектаў», - падкрэслілі партызаны і заклікалі расейскіх вайскоўцаў ісці на супрацоўніцтва, каб выжыць.