Экс-прэм'ер Грузіі паабяцаў камандзе больш за $10 мільёнаў у выпадку перамогі над Гішпаніяй

Напярэдадні грузіны трыўмфальна перамаглі партугальцаў і выйшлі ў плэй-оф.

Грузінскі алігарх, былы прэм'ер-міністр Бідзіна Іванішвілі паабяцаў камандзе Грузіі выплаціць больш за 10 мільёнаў даляраў у выпадку выхаду каманды ў чвэрцьфінал чэмпіянату Еўропы, піша football.by.

У 1/8 фіналу каманда сустрэнецца з камандай Гішпаніі. Напярэдадні грузіны падолелі партугальцаў (2:0) і выйшлі ў плэй-оф.

– З ініцыятывы Бідзіны Іванішвілі ў выпадку перамогі ў 1/8 фіналу, у сустрэчы з Гішпаніяй і выхаду ў наступны этап каманда Грузіі атрымае ў якасці ўзнагароды дадаткова 30 мільёнаў лары (10,6 мільёна даляраў).

Іванішвілі дзякуе кожнаму гульцу футбольнай каманды, трэнерскаму штабу і грузінскім заўзятарам за гэтую «гістарычную перамогу мары».

Матч 1/8 фіналу Грузія – Гішпанія пройдзе ў нядзелю, 30 чэрвеня, і пачнецца ў 19 паводле менскага часу. Праўда, букмекеры з усіх васьмі параў называюць шанцы каманды Кварацхелія-Мікаўтадзэ-Мікаўтадзэ-Саньёля самымі ілюзорнымі. Каэфіцыент на перамогу Грузіі – 13,0 (на Славакію ў матчы з Англіяй – 9,0).

Пераможца пары Грузія – Гішпанія ў 1/4 фіналу згуляе з пераможцам пары Нямеччына – Данія.

У адборы да Еўра-2024 Грузія і Гішпанія гулялі ў адной групе. У Тбілісі грузінаў разграмілі з лікам 1:7, у Вальядалідзэ Грузія саступіла 1:3.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com