Як у Беларусі памяняць пасведчанне кіроўцы
5- 27.06.2024, 19:19
- 9,788
Што трэба зрабіць і колькі гэта будзе каштаваць.
У Беларусі з сакавіка пачалі выдаваць пасведчанні кіроўцы тэрмінам на 20 гадоў. Раней такія дакументы дзейнічалі толькі 10 гадоў. Smartpress.by расказаў, як атрымаць новыя правы і колькі гэта будзе каштаваць.
Калі трэба мяняць пасведчанне кіроўцы?
Самая відавочная прычына – заканчэнне тэрміну дзеяння пасведчання;
змена прозвішча, імя або імя па бацьку (напрыклад, пасля замужжа або скасавання шлюбу);
праз знос дакумента, яго страту або ў правах указаная няправільная інфармацыя (напрыклад, памылка друку ў прозвішчы);
атрыманне допуску да кіравання новай катэгорыяй транспарту;
атрыманне абмежаванняў праз медыцынскія паказанні.
Памяняць правы можна загадзя, абмежаванняў у законе на гэты конт няма. Адлік тэрміну дзеяння новага дакумента пачнецца з даты абмену.
Рыхтуем дакументы. Што трэба?
Для замены правоў кіроўцы патрэбныя:
пашпарт або іншы дакумент, які сведчыць асобу;
пасведчанне кіроўцы, якое трэба памяняць;
здаваць іспыты на правы пасля заканчэння тэрміну дзеяння пасведчання кіроўцы не трэба;
медыцынская даведка, якая пацвярджае прыдатнасць да кіравання аўтамабілем ці матацыклам;
заяву на замену правоў;
дакументы, якія пацвярджаюць аплату гэтай адміністратыўнай працэдуры.
Меддаведка кіроўцы. Як атрымаць?
У Менску атрымаць даведку можна ў 24-й Гарадской паліклініцы спецмедаглядаў.
Прымаюць у паліклініцы паводле папярэдняга запісу:
замовіць талон онлайн можна анлайн;
па тэлефонах +37517 3111018; +37544 7357446; +37529 5594577;
ці запісацца асабіста ў паліклініцы ў стале даведак.
З сабой трэба ўзяць:
пашпарт або іншы дакумент, які сведчыць асобу;
выпіску з медыцынскіх дакументаў;
дзве фатаграфіі памерам 3х4;
ваенны білет для ваеннаабавязаных.
Выпіска з медыцынскіх дакументаў павінна змяшчаць інфармацыю пра звароты пацыента па медыцынскую дапамогу за перыяд 5 гадоў. Калі пры кіраванні транспартам вам патрэбныя акуляры ці лінзы, то іх трэба мець пры сабе разам з рэцэптам.
Кошт даведкі кіроўцы складзе ад 40 рублёў, пры ўмове, што вам не патрэбныя дадатковыя медагляды. Аплаціць можна праз АРІП ці непасрэдна ў паліклініцы.
Колькі каштуе памяняць пасведчанне кіроўцы?
Аплаціць замену правоў можна ў АРІП. Каштуе гэта 2 базавыя велічыні ці 80 рублёў. А вось калі вы мяняеце пасведчанне, таму што згубілі яго – то 3 базавыя велічыні або 120 рублёў.
Плюс трэба будзе заплаціць за камп'ютарныя паслугі 1,6 рубля, і за афармленне заявы – 3,2 рубля.
Такім чынам, з улікам даведкі кіроўцы рыхтуйцеся заплаціць ад 120 рублёў.
Дзе памяняць пасведчанне кіроўцы?
У Менску – у трох месцах, і зрабіць гэта можна ў любым аддзяленні незалежна ад месца пражывання:
Ціміразева, 114;
Кальварыйская, 27;
Вялікае Сціклева, 83.
Колькі часу гэта зойме?
Максімальны тэрмін замены пасведчання кіроўцы складае 3 працоўныя дні з моманту падачы заявы. Аднак на практыцы робіцца гэта нашмат хутчэй: атрымаць новыя правы можна ўжо цягам дня ці на наступны дзень.
Ці можна ездзіць без правоў?
Вядома ж не. Калі ў правоў скончыўся тэрмін прыдатнасці і вы не памянялі іх, то вам пагражае штраф памерам ад 5 да 10 базавых велічыняў (200–400 рублёў).
А пры выяўленні факту кіравання транспартным сродкам з правамі са скончаным тэрмінам дзеяння паўторна цягам года – штраф памерам ад 20 да 50 базавых велічыняў (800–2000), або змушэнне да грамадскіх працаў ад 8 да 60 гадзінаў, або адміністрацыйны арышт да 15 сутак.