Колькі сёлета каштуюць аўтобусныя туры на Чорнае мора ў Грузію з Беларусі
9- 27.06.2024, 19:38
- 13,578
Размова ідзе пра аўтобусныя туры ў Кабулеці і Батумі.
Грузія сёлета вельмі папулярная ў беларусаў, якія хочуць нядорага адпачыць на моры. Пра гэта паведамляе Рэспубліканскі звяз турыстычных арганізацый.
Размова ідзе пра аўтобусныя туры ў Кабулеці і Батумі.
«Туры гэтыя прывабліваюць нашых турыстаў, нягледзячы на доўгую дарогу. 14–16-дзённы тур уключае восем ці дзесяць начэй адпачынку на моры, астатні час займаюць экскурсіі і дарога», – расказалі эксперты.
На першы начлег турысты звычайна спыняюцца ў Варонежы, потым, паводле праграмы тураў, іх чакае пераезд па Ваенна-Грузінскай дарозе, дзе робяць прыпынкі для фотасесій. Пасля гэтага аўтобусы прыбываюць у Тбілісі, дзе падарожнікаў чакае яшчэ адзін начлег і цэлы дзень экскурсій па грузінскай сталіцы, а пасля – трансфер у Кабулеці ці Батумі.
Аўтобусы выязджаюць з Менска, абласных і многіх раённых беларускіх гарадоў.
«Сярэдні кошт такіх тураў вагаецца ад 340 да 450 даляраў на чалавека. Ёсць туры даражэйшыя з поўным пансіёнам – такі тур можа каштаваць і да 600 даляраў. Але таксама можна знайсці туры ад 280 даляраў на чалавека за тую самую 14-дзённую паездку з васьмідзённым адпачынкам на пляжы Кабулеці, праўда, у гэты кошт не ўключаныя экскурсійныя пакеты, за якія ўсё роўна давядзецца заплаціць па маршруце», – дадалі эксперты.
Сезон такіх тураў толькі пачаўся, канец чэрвеня ўважаецца за яго неафіцыйны старт, паколькі звычайна тым часам вада ў моры становіцца камфортнай для купання.
Як заявілі ў РСТА, таннейшым за аўтобусныя пляжныя туры ў Грузію для беларусаў будзе толькі адпачынак на курортах Краснадарскага краю ў Расеі.