Беларусам прапанавалі вакансію «мэнэджара ў шашлыках»

За 3000 рублёў за месяц.

Вакансія мэнэджара ў шашлыках з'явілася на расейскім партале пошуку працы. Спецыяліста шукае рэкламнае агенцтва, якое працуе з расейскімі праектамі Skyeng, Skysmart і «Пікабу». У Беларусі яны шукаюць мэнэджара ў шашлыках з дыстанцыйнай працай, піша «Наша Нiва».

У апісанні да вакансіі заробак пазначаны ў расейскіх рублях – ад 50 тысячаў да 80 тысячаў на рукі, гэта значыць ад 1,9 тысячы да 3 тысячаў беларускіх рублёў. Пры гэтым выязджаць за межы Беларусі не трэба, бо працаваць прапануюць дыстанцыйна.

Сярод абавязкаў у апісанні да вакансіі: набываць мяса паводле выгадных коштаў за кошт кампаніі, гатаваць марынад, пячы шашлык дыстанцыйна праз відэасувязь і нават працаваць у пары з піўным мэнэджарам, таксама дыстанцыйна.

Наняць гатовыя толькі кандыдатаў з досведам ад 1 да 3 гадоў, якія разумеюць розніцу паміж свінінай і курацінай і «ведаюць, чаму марынад на мінералцы лепшы, чым на маянэзе».

Працаваць трэба з 10:00 да 19:00, калі пастаўленая задача не выкананая раней.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com