Санэпідслужба абмежавала купанне на 13 пляжах
- 28.06.2024, 11:27
- 1,720
Усе яны размешчаны ў трох рэгіёнах Беларусі.
«За апошні тыдзень чэрвеня абследаваны 364 пляжы, даследавана 877 пробаў вады, з якіх 21 не адпавядала гігіенічным нарматывам, у выніку чаго абмежавана купанне на 13 пляжах у трох рэгіёнах Беларусі», – гаворыцца ў паведамленні ведамства.
У Гомельскай вобласці:
- забаронена купанне дзяцей, дарослых і заняткі воднымі тыпамі спорту на трох зонах рэкрэацыі на рацэ Сож у Гомельскім раёне: на набярэжнай, у раёне вуліцы Рачной пасёлка Чэнкі, а таксама ў раёне садоўніцкага таварыства «Скіток-2»;
- абмежавана купанне дзяцей на пляжы ў раёне парку культуры і адпачынку «Прыдняпроўскі» на рацэ Дняпро ў Жлобіне.
У Магілёўскай вобласці:
– забаронена купанне дзяцей, дарослых і заняткі воднымі тыпамі спорту на сажалцы Броды ў Магілёве, у зоне рэкрэацыі на рацэ Дняпро ў аграгарадку Палыкавічы Магілёўскага раёну, а таксама на ўчастку ракі Проня (ніжэй за аўтамабільны мост) паблізу Дрыбіна.
- прыпынена купанне дзяцей і дарослых на Святым возеры ў Магілёве;
– абмежавана купанне дзяцей на гарадскім пляжы Магілёва на рацэ Дняпро, у зонах рэкрэацыі Вільчыцкага вадасховішча ў аграгарадку Вільчыцы Магілёўскага раёну, на вадасховішчы Рудзея ў раёне аграгарадка Гарбавічы Чавускага раёну, у месцы адпачынку на рацэ Вослеўка ля базы адпачынку «Глухарыны ток».
У Менскай вобласці прыпынена купанне дзяцей і дарослых у пляжнай зоне на рацэ Вызенка ў гарадскім пасёлку Чырвоная Слабада Салігорскага раёну.
На падставе вынікаў лабараторных даследаванняў зняты абмежаванні ў трох зонах рэкрэацыі Салігорскага раёну: пляжныя зоны на вадаёме вёскі Саковічы, на «Старым пляжы» і пляжы санаторыя «Бярозка» Салігорскага вадасховішча.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
