Былой кіраўніцы страйкаму «Нафтана» Вользе Брыцікавай вынеслі прысуд
9- 28.06.2024, 12:50
- 14,512
![Былой кіраўніцы страйкаму «Нафтана» Вользе Брыцікавай вынеслі прысуд](https://i.c97.org/ai/465599/aux-head-1651301900-britikowa_360.jpg)
Яна працавала на заводзе 16 гадоў.
Сілавік уключылі былую кіраўніцу «Нафтана» Вольгу Брыцікаву ў «спіс экстрэмістаў», у ім сказана, што яна ўжо адбывае пакаранне, заўважыў праваабарончы цэнтр «Вясна».
Закрыты суд над Брыцікавай пачаўся 11 сакавіка 2024 года, апошняе судовае паседжанне датуецца 8 красавіка. Магчыма, у гэты дзень суддзя Галіна Бондал і абвясціла прысуд, аднак які – невядома.
Брыцікава працавала на заводзе 16 гадоў. У 2022 годзе пасля таго, як яна сфатаграфавала бюлетэнь на «рэферэндуме», яе арыштоўвалі 5 разоў запар на 15 дзён. У лістападзе яе арыштавалі зноў, паводле артыкула аб парушэнні парадку або правядзенні масавых мерапрыемстваў (артыкул 24.23 КоАП), за малюнак з надпісам «Не вайне» на старонцы ў фэйсбуку.
У 2022 годзе яна правяла пад адміністрацыйным арыштам 105 дзён, пасля чаго стала вядома, што супраць яе распачалі крымінальную справу.