СМІ: Намесніца Шайгу ўцякла ў Францыю «са стосам гатоўкі»

Топ-чыноўніца Мінабароны РФ прыхапіла з сабой «стос гатоўкі».

Пасля таго, як Крэмль пачаў чысткі ў вышэйшым вайсковым кіраўніцтве, з Расеі, папярэдне, уцякла былая намесніца кіраўніка Мінабароны Таццяна Шаўцова. Чыноўніца атабарылася на «варожым Захадзе».

Як паведамляе dialog.ua са спасылкай на расейскія СМІ, Шаўцова вельмі доўга працавала ў Мінабароны РФ, адказваючы за фінансавыя плыні. Пасля таго, як Шайгу быў адхілены ад пасады міністра, а яго найбліжэйшае асяроддзе стала фігурантамі крымінальных спраў, 54-гадовая чыноўніца загадкава знікла. Прапагандысты сцвярджаюць, што яна ўцякла ў Францыю, прыхапіўшы з сабой нарабаванае.

«Юридическая газета» са спасылкай на крыніцу апублікавала версію аб тым, што Шаўцова пасля свайго раптоўнага звальнення сабрала «трывожную валізку» са стосам гатоўкі і ўцякла ў Францыю. Афіцыйныя крыніцы гэта не пацвярджаюць і не зняпраўджваюць. Таксама паведамлялася, што «Белавусаў (новы міністр абароны РФ - рэд.) вельмі абураны» такім учынкам», - гаворыцца ў артыкуле.

Пацвярджэння гэтай інфармацыі на гэты момант няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com