Гішпанскі вундэркінд Ямаль паспяхова здаў школьныя іспыты падчас Еўра-2024

16-гадовы нападнік цяпер можа поўнасцю сканцэнтравацца на футболе.

Нападнік Ламін Ямаль, які цяпер выступае за каманду Гішпаніі на Еўра-2024, паспяхова здаў школьныя іспыты. Ён даведаўся пра свае вынікі, знаходзячыся ў лагеры «Фурыя Роха» ў Нямеччыне.

На гэтым тыдні 16-гадовы вінгер здаў свой 4-ы іспыт ESO. Размова пра экзамены на атрыманне сертыфіката аб сярэдняй адукацыі ў Гішпаніі.

У чацвер увечары Ламін Ямаль расказаў у эфіры радыёстанцыі Onda Cero: «Я толькі вярнуўся з трэніроўкі, і мне паведамілі, што ўсё прайшло добра. Я здаў іспыты. Цяпер у мяне ёсць сертыфікат аб сярэдняй адукацыі. Апошнія адзнакі, якія я бачыў? Калі шчыра, я бачыў іх на тэлефоне. Там было сказана, што я ўсё здаў. Таму я проста закрыў дадатак, патэлефанаваў маме і расказаў ёй пра гэта».

Ламін Ямаль сумяшчаў вучобу ў школе з выступам за каманду Гішпаніі на Еўра-2024.

Раней нападнік расказваў, як гэта выглядае: «Я наведваю ўрокі, і кожны дзень яны даюць мне рознае хатняе заданне».

«Часам ад мяне патрабуецца выканаць большы аб'ём працы дома, але я раблю гэта кожны дзень. Калі яны бачаць, што мы ў чвэрцьфінале ці ў 1/8 фіналу, яны не вельмі моцна нагружаюць мяне, але калі ў мяне выходныя, калі мой настаўнік ведае, што я не заняты, ён дае мне тое ці іншае заданне».

Каманда Гішпаніі выйшла ў 1/8 фіналу Еўра-2024. Заўтра ўвечары «Фурыя Роха» згуляе супраць Грузіі.

Ламін Ямаль паўдзельнічаў ва ўсіх 3 паядынках каманды на групавым этапе. Ён згуляў 86 хвілінаў супраць Харватыі, 71 супраць Італіі і 19 супраць Албаніі. У матчы супраць Харватыі нападнік зрабіў дзейсную перадачу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com