У Менску адкрыецца новая экасцежка

Там нават ёсць гатэль, але для абраных.

На паўднёвым усходзе Менска з'явіцца новая экалагічная сцежка «Шышкі», якую афіцыйна адкрыюць 1 ліпеня, паведамляе БелТА.

Новая экасцежка «Шышкі» адкрыецца ў сталічным мікрараёне Сосны, яе ўладкавалі ў лясным масіве ў канцы вуліцы Акадэміка Красіна за сярэдняй школай № 144 і дзіцячым садам № 419. Адкрыццё адбудзецца 1 ліпеня, гэтая падзея прымеркаваная да 80-х угодкаў вызвалення Беларусі і Дня незалежнасці.

Наведвальнікам абяцаюць «захапляльнае падарожжа па 16 тэматычных станцыях з казачнымі героямі і інтэрактывам».

Маршрут першай лініі экасцежкі – адукацыйны: ён дазваляе азнаёміцца з разнастайнасцю мясцовай флоры і фаўны. Там арганізаваныя гульнявыя зоны і прыпыначныя пляцоўкі – «Знаёмцеся, дрэвы», «Шышкі хваёвага лесу», «Царства раслінаў», «Пошукавая паляна» і «Гатэль для насякомых».

Гатэль для кузурак – гэта збудаванне для прываблівання пчолаў і восаў, баговак, матылькоў і іншых кузурак. Яно ўяўляе з сябе камень ці бервяно з прасвідраванымі адтулінамі, дзе «пастаяльцы» могуць адкласці яйкі ці перазімаваць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com