У Беларусі стала больш падробленых грошай
- 1,922
Часцей за ўсё падрабляюць даляры.
У першым квартале 2024 года ў Беларусі павялічылася колькасць падробленых грашовых знакаў у параўнанні з першым кварталам 2023 года.
Пра гэта паведамляе Нацбанк Беларусі. Паводле звестак, прыведзеных на афіцыйным сайце, у першым квартале 2024 года банкаўскія работнікі выявілі 186 падробленых банкаўскіх знакаў, з якіх 184 – банкноты, 2 – манеты.
У разбіўцы па валютах сярод падробленых грашовых знакаў сярод лідараў даляр ЗША – 157 выпадкаў у першым квартале 2024 года. Прычым у 89,2% выпадкаў гэта былі купюры наміналам 100 даляраў. За аналагічны перыяд 2023 года выпадкаў падробкі даляраў было зафіксавана прыкметна менш – 121.
У параўнанні з першым кварталам 2023 года агульная колькасць падробак павялічылася на 27,4%.
Таксама ў першым квартале гэтага года было зафіксавана 16 выпадкаў падробкі расейскіх рублёў, 10 – еўраў, 3 – беларускія рублі.