Стала вядома, колькі фальшывых грошай знайшлі ў Беларусі

Што да беларускіх рублёў, то выяўленыя толькі тры “соткі”.

Асноўная частка фальшывых грошай, якія выяўляюць у Беларусі, - гэта падробленыя даляры ЗША.

За першы квартал 2024 года ў банках выяўлена 186 падробак, з якіх 184 - банкноты, 2 - манеты. Больш за 84% фальшывак - даляры, паведамляе Нацбанк.

Нашмат больш стала стодаляравых купюр: 140 штук супраць 87 за аналагічны леташні перыяд. А вось колькасць банкнот 50 даляраў зменшылася — з 34 да 17.

Некаторыя падробленыя даляры - гэта першапачаткова сапраўдныя грошы, якія былі крыху «мадэрнізаваныя» да больш высокага наміналу.

Вырас аб'ём падробак расейскіх рублёў. У студзені-сакавіку 2023 года іх было шэсць (адна банкнота адна тысячу рублёў і пяць - наміналам пяць тысяч).

У першым квартале выяўленыя 16 фальшывак, але гэта былі толькі пяцітысячныя банкноты. Гэта самы буйны намінал Цэнтрабанка РФ.

Еўра становяцца менш папулярнымі. Калі ў першым квартале мінулага года выяўлена 17 падробак, то зараз - 10 штук. Прычым гэта не толькі банкноты наміналамі ад 20 да 500 еўраў, але і дзве манеты (па 2 еўры).

Што да беларускіх рублёў, то выяўленыя толькі тры “соткі”.

«Падробкі беларускіх рублёў вырабленыя без імітацыі элементаў абароны», — паведамляе Нацбанк.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com