Рой БПЛА атакаваў Новаліпецкі металургічны камбінат у Расеі
4- 30.06.2024, 20:07
- 12,856
![Рой БПЛА атакаваў Новаліпецкі металургічны камбінат у Расеі](https://i.c97.org/ai/600999/aux-head-1719747482-20240630_novolipecki_zavod_360.jpg)
На тэрыторыі прадпрыемства прагрымела серыя выбухаў.
У Ліпецкай вобласці РФ заявілі аб нападзе ўкраінскіх дронаў на Новаліпецкі металургічны камбінат, які працуе на вайскова-прамысловы комплекс краіны-агрэсаркі. У выніку пашкоджаныя ўстаноўка раздзялення кіслароду, дах дома і хлява, таксама ўспыхнуў гараж.
Губернатар Ліпецкай вобласці Ігар Артамонаў у сваім Telegram-канале а 7 раніцы па мясцовым часе (і па Кіеве) заявіў, што «сёння выдалася няпростая і неспакойная ноч для ўсіх». З яго слоў, над прамысловай зонай Ліпецка збілі нібыта дзевяць БПЛА.
На месца падзення абломкаў прыбылі спецслужбы, ахвяр няма, заявіў Артамонаў.
«Адзін з фрагментаў упаў на дах жылога дома ў прыватным сектары. Ніхто не пацярпеў», - гаворыцца ў паведамленні губернатара.
РасСМІ пішуць, што атака на завод пачалася а другой гадзіне ночы і доўжылася больш за гадзіну.
Паводле іх звестак, усяго за гэты час на тэрыторыі камбіната ўпалі і ўзарваліся сем дронаў.
Адзін з упалых БПЛА пашкодзіў устаноўку падзелу кіслароду.
![](https://i.c97.org/ai/600999/aux-1719747388-karta.jpg)
Яшчэ чатыры спрабавалі атакаваць будынак кіслароднай станцыі. Адзін таксама пашкодзіў гараж.
Гараж загарэўся, але ўзгаранне патушылі.
Таксама фрагмент збітага робата сапсаваў дах дома і хлява на вуліцы Ільіча, 17, сцвярджаюць расСМІ.
Як вядома, Новаліпецкі металургічны камбінат актыўна працуе на вайскова-прамысловы комплекс РФ. Сыравіна гэтага прадпрыемства выкарыстоўваецца для вырабу расейскіх ракет, артылерыі, БПЛА і г.д.