Парламенцкія выбары ў Францыі: Апублікаваныя звесткі экзіт-полаў

Наперадзе краіну чакае яшчэ адзін тур выбараў.

У Францыі вечарам 30 чэрвеня закончылася галасаванне ў першым туры парламенцкіх выбараў. Паводле вынікаў экзіт-полаў, у першым туры перамагае ультраправая партыя «Нацыянальнае аб'яднанне».

Пра гэта паведамляе РБК-Украіна са спасылкай на Le Figaro і BFM TV.

Наперадзе Францыю чакае яшчэ адзін тур выбараў. І паколькі там дзейнічае мажарытарная сістэма, то ў другім туры сітуацыя можа змяніцца.

Так, паводле вынікаў экзітполу Ifop, партыя «Нацыянальнае аб'яднанне», фармальнай лідаркай якой з'яўляецца прарасейская Марын Ле Пэн, атрымлівае падтрымку 34,2% выбарнікаў. Ультралевы «Народны фронт» ідзе на другім месцы з 29,1% галасоў. А палітсіла прэзідэнта Эмануэля Макрона трапляе на трэцяе месца з 21,5% галасоў.

А вось экзітпол, праведзены Elabe для BFMTV, RMC і La Tribune, аддае «Нацыянальнаму аб'яднанню» крыху менш – 33% галасоў. «Народны фронт» можа атрымаць 28,5% галасоў, а кааліцыя Макрона – 22%.

Яўка ў першым туры парламенцкіх выбараў у Францыі стала самай высокай у 21 стагоддзі і, папярэдне, складае 69,7 адсотка.

Калі ж «Нацыянальнае аб'яднанне» захавае гэты ўзровень падтрымкі і ў другім туры галасавання, то зможа атрымаць большасць у французскім парламенце.

Парламенцкія выбары ў Францыі

Пасля выбараў у Еўрапейскі парламент, якія адбыліся ў пачатку чэрвеня, прэзідэнт Францыі Эмануэль Макрон распусціў Нацыянальны сход Францыі (ніжняя палата парламента) і аб'явіў пра датэрміновыя парламенцкія выбары.

Прычынай такой пастановы паслужыў крах прэзідэнцкай партыі на агульнаеўрапейскіх выбарах. Перамогу ў Францыі тады атрымала ультраправая партыя «Нацыянальнае аб'яднанне», фармальнай лідэркай якой з'яўляецца прарасейская Марын Ле Пен.

Апытанні, якія праводзіліся перад парламенцкімі выбарамі, таксама сведчылі, што партыя Ле Пэн атрымае перамогу ў першым туры з вынікам блізу 35% галасоў, у той час як партыі Макрона прагназавалі трэцяе месца з 20–22% галасоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com