«Людзей даставалі з люка на даху»

У Беларусі аўтобус перакуліўся ў кювет.

Адзін з чытачоў апублікаваў на форуме «Онлайнера» здымкі аўтобуса, які перакуліўся. Судзячы з усяго, аварыя адбылася ўначы 27 чэрвеня. Праўда, інфармацыя наконт таго, дзе менавіта гэта здарылася, адрозніваецца. Адзін з чытачоў сцвярджае, што ведае, адкуль ехаў аўтобус і хто быў унутры.

Аўтар фота напісаў, што аўтобус знаходзіўся «пад Магілёвам». У той жа час чытачка на імя Вікторыя адзначыла: «Гэта было ў горадзе Беразіно». «У аўтобуса выбівалі заднюю шыбу», - дадаў карыстальнік форума. Гэтыя словы пацвярджае адна з фатаграфій.

Невядома, колькі чалавек знаходзілася ў салоне ў момант аварыі. Аднак Вікторыя паведаміла: «Бачылі аўтобус ужо пасля таго, як ён перакуліўся. На месцы былі дзве пажарныя брыгады і чатыры-пяць карэт хуткай дапамогі. Людзей даставалі з люка на даху».

Яшчэ адзін чытач падзяліўся наступнай інфармацыяй: «Аўтобус вяртаўся з Магілёва ў Менск пасля спектакля «Пiсаравы iмянiны». Унутры знаходзіліся акторы і тэхнічная група Купалаўскага тэатра».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com