Аналітыкі: У Пуціна праблемы праз выбары ў Іране

Ключавы вайсковы хаўруснік вось-вось будзе страчаны.

Расея найбліжэйшым часам можа страціць свайго ключавога вайсковага хаўрусніка - Іран. Першы этап прэзідэнцкіх выбараў, які адбыўся там 28 чэрвеня, стаў званком для Крамля, што ўсё дрэнна.

Пра гэта гаворыцца ў артыкуле аналітычнага цэнтру Chatham House.

У вышэйшым кіраўніцтве Расеі былі два чалавекі, якія выступалі за збліжэнне з Масквой: прэзідэнт Эбрагім Раісі і яго міністр замежных спраў Хасэйн Амір-Абдалахян. Абодва развіталіся са сваімі жыццямі ў авіякатастрофе, якая адбылася ў траўні 2024 года.

«Іх смерць наступіла да таго, як дзвюм краінам удалося інстытуцыяналізаваць стасункі ў форме новага доўгатэрміновага пагаднення аб партнёрстве», - піша выданне.

І зараз ёсць усе падставы меркаваць, што новы лідар Ірана не будзе прытрымлівацца асаблівай дружбы з Масквой. Усе кандыдаты ў прэзідэнты адкрыта дэкларуюць сваёй галоўнай мэтай зняцце заходніх санкцый і паляпшэнне эканомікі краіны, што магчыма толькі ў выпадку ахаладжэння дачыненняў з РФ, асабліва ў вайсковай сферы.

Сувязі РФ і Ірана вельмі глыбокія, і не варта чакаць кардынальнага перагляду стасункаў. Аднак, хутчэй за ўсё адбудзецца замаруджванне тэмпаў супрацоўніцтва паміж дзвюма краінамі, у тым ліку ў пытанні паставак зброі. Для Масквы, якая ўвязалася ў вайну на знясіленне і адчувае дэфіцыт сродкаў паражэння, гэта вельмі дрэнная навіна.

Ёсць як мінімум два моманты, якія могуць заахвоціць Тэгеран змяніць стасункі з Масквой: санкцыі і пагаршэнне эканомікі. Каб наладзіць дачыненні з Захадам, іранцам давядзецца скарачаць супрацоўніцтва з Масквой.

«Усякае зняцце санкцый і аднаўленне сувязяў з Захадам запатрабуе ад Тэгерана перагляду стасункаў з Расеяй, хаця і не абавязкова неадкладна. Масква гэта відавочна ўсведамляе. Адразу пасля смерці Раісі Крэмль паспрабаваў паставіць абмеркаванне двухбаковага доўгатэрміновага пагаднення на паўзу, жадаючы ўбачыць фінал прэзідэнцкай гонкі ў Іране. Асцярожнасць Крамля зразумелая… Не ўсе кандыдаты зацікаўленыя ў супрацоўніцтве з Масквой… Фаварыты прэзідэнцкай гонкі Галібаф і Джалілі не даюць Расеі надзеі на шчырае сяброўства. У сваіх прамовах яны пазбягаюць упамінання Расеі як асаблівага вектара ў іранскіх замежных стасунках», - гаворыцца ў артыкуле.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com