Расейцы «выпусцілі» дзясяткі бомбаў на Белгарадскую вобласць

The Washington Post раскрыла звесткі РФ.

Расейцы налічылі, што за год на Белгарадскую вобласць упалі дзясяткі іх авіяцыйных бомб. Такім узбраеннем салдаты РФ звычайна атакуюць Украіну.

Пра гэта паведамляе РБК-Украіна са спасылкай на The Washington Post.

Выданне са спасылкай на ўнутраны дакумент расейцаў, які перахапіла ўкраінская выведка, сцвярджае, што ў перыяд з красавіка 2023 да красавіка 2024 года на Белгарадскую вобласць упала сама меней 38 авіяцыйных бомб.

Большую частку авіябомбаў знаходзілі мірныя людзі - леснікі, фермеры ці жыхары навакольных вёсак. Пры гэтым у большасці выпадкаў расейскае Міністэрства абароны не ведала, калі былі запушчаныя бомбы. Таму некаторыя з боепрыпасаў маглі ляжаць там некалькі дзён.

У дакуменце сказана, што сама меней чатыры бомбы ўпалі на Белгарад. Яшчэ сем былі знойдзеныя каля абласнога цэнтра. Больш за ўсё бомбаў, 11, упала ў Грайваронскім раёне, які мяжуе з Украінай.

Таксама, паводле інфармацыі WP, у перахопленым дакуменце змяшчаецца табліца інцыдэнтаў з указаннем надзвычайных пастаноў па абясшкоджванні бомбаў і эвакуацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com