Бухгалтарка скрала 500 000 рублёў у працадаўцаў і прайграла ў казіно

Суд вынес ёй прысуд.

У Баранавічах бухгалтарка паўтара года выкрадала з рахункаў прадпрымальнікаў значныя сумы. Агулам 28-гадовая жанчына выкрала больш за 484 000 рублёў, паведамляе «Онлайнер» са спасылкай на СК.

З 2018 года бухгалтарка працавала з юрыдычнымі асобамі і індывідуальнымі прадпрымальнікамі, займалася заробкамі і падаткамі. У канцы 2022 года захапілася стаўкамі ў онлайн-казіно і стала выкрадаць грошы з рахункаў сваіх наймальнікаў. Схема выглядала так: у жанчыны былі ключ-карты з электронным лічбавым подпісам, якія адкрывалі доступ да рахункаў кампаній, яна ўзгадняла з прадпрымальнікамі сумы пераводаў, але грошы сыходзілі на яе ўласныя рахункі.

Такая дзейнасць заставалася незаўважанай паўтара гады. На допыце жанчына распавяла следчаму, што пакутавала на гульнявую залежнасць і не магла спыніцца, даходзіла да таго, што яна гуляла амаль дзень і марнавала на сон толькі дзве гадзіны. Таксама жанчына летась пазычыла ў двух знаёмых амаль 13 тысяч рублёў, якія потым таксама прайграла ў казіно.

Ёй выстаўленае абвінавачанне адразу паводле двух артыкулаў: частка 4 артыкула 212 («Крадзеж маёмасці шляхам мадыфікацыі кампутарнай інфармацыі ў асабліва значнай суме») і частка 3 артыкула 209 («Махлярства, учыненае паўторна, у значнай суме») Крымінальнага кодэкса. Цяпер жанчына пад вартай.

Суд прызнаў жанчыну вінаватай паводле некалькіх артыкулах: па частцы 3 артыкула 209 КК РБ прызначанае пакаранне - пазбаўленне волі на 3 гады са штрафам у суме 50 базавых адзінак (2000 рублёў); па частцы 4 артыкула 212 пакаранне - пазбаўленне волі на 6 гадоў са штрафам 100 базавых (4000 рублёў) без пазбаўлення права займаць пэўныя пасады або займацца пэўнай дзейнасцю. Пакаранні не сумуюцца, больш строгае паглынае меней строгае.

Таксама з абвінавачанай спагоняць на карысць сямі пацярпелых кампенсацыю шкоды на агульную суму 168 231,94 рубля, а таксама 800 рублёў за паслугі прадстаўніка.

Прысуд не набыў моц, можа быць абскарджаны або апратэставаны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com