Ласяня і мядзведзь перабеглі з Беларусі ў Літву
11- 1.07.2024, 20:37
- 7,268
![Ласяня і мядзведзь перабеглі з Беларусі ў Літву](https://i.c97.org/ai/601165/aux-head-1719855088-20240701_tusk_360.jpg)
Фотафакт.
Ласяня ўцякала ад мядзведзя ў Беларусі, у выніку абое апынуліся ў Літве. Жывёлаў заўважылі ў нядзелю вечарам, 30 чэрвеня, літоўскія памежнікі. Пра гэты выпадак паведамляецца на сайце Службы аховы дзяржмяжы Літвы.
Маладога лася, які ратуецца ад мядзведзя, заўважылі ў запаведніку Чапкяляй.
![](https://i.c97.org/ai/601165/aux-1719855094-1.jpg)
Памежнікі адзначылі, што ў гэтым месцы няма агароджы, мяжу ахоўваюць пры дапамозе відэаназірання.
![](https://i.c97.org/ai/601165/aux-1719855094-2.jpg)
Спачатку яны заўважылі, як ласяня забегла на тэрыторыю Літвы, а праз 40 секундаў з тэрыторыі Беларусі за ім прыбег мядзведзь. Мяркуючы з усяго, жывёлы засталіся ў Літве, паколькі на камеры яны больш не пападалі.