Польшча цалкам закрыла ўезд для фур з Беларусі

Адзіны пункт пропуску для грузавога транспарту закрыты на ўезд.

Дзяржаўны мытны камітэт Беларусі паведаміў, што з 03.00 10 ліпеня польскі бок не прымае грузавыя транспартныя сродкі, што едуць з нашай краіны праз пункт пропуску "Казловічы".

Да сённяшняга дня на мяжы Польшчы і Беларусі працаваў толькі адзін памежны пераход для пасажырскага транспарту (“Берасце – Тэрэспаль”) і адзін для грузавога аўтатранспарту (“Кукурыкі – Казловічы”), а таксама грузавы чыгуначны пераход.

Калі ўчора чаргі з фур у пункце пропуску "Казловічы" не было, то за мінулую ноч іх колькасць вырасла да 600.

"Са слоў кіроўцаў, якія перасякаюць беларуска-польскую мяжу, палякі ўзмацнілі кантроль", - адзначылі ў ДМК.

У кірунку Беларусі праз гэты пункт пропуску транспартныя сродкі пакуль ідуць, але значна больш павольна, чым звычайна.

У пачатку ліпеня Польшча 33 гадзіны блакавала чыгуначнае злучэнне на тэрмінале мытнага афармлення ў Малашэвічах на мяжы з Беларуссю. Афіцыйна мытныя службы паведамілі, што праводзіліся руцінныя кантрольныя мерапрыемствы для абароны мытнай тэрыторыі ЕЗ ад паступлення небяспечных тавараў ці рэчываў. Польскі ўрад пастанавіў выкарыстоўваць гэтую форму ціску на рэжым Лукашэнкі, для якога прыбыткі ад транзіту складаюць значную частку бюджэту.

Акрамя таго, Варшава разлічвае на ціск на Менск з боку Кітая, які можа панесці страты праз блакаванне тэрмінала ў Малашэвічах. Праз гэты тэрмінал кітайскія тавары па сушы паступаюць на Захад.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com