Першыя F-16 ужо адправіліся ва Украіну
21- 10.07.2024, 16:53
- 32,604
Стала вядома, калі яны прыбудуць.
Дзяржсакратар ЗША Энтані Блінкен заявіў, што першыя знішчальнікі F-16 ужо знаходзяцца на шляху ва Украіну.
Самалёты перадалі Нідэрланды і Данія, піша ўкраінская служба Радыё Свабода.
Знішчальнікі дасягнуць Украіны ўжо гэтым летам. Акрамя таго, цягам некалькіх дзён будзе прадстаўлены «магутны пакет» для Украіны, які пабудуе дакладны мост для сяброўства краіны ў NATO.
Сёння ж стала вядома, што шэсць знішчальнікаў перадасць Украіне Нарвегія. Уладзімір Зяленскі раней заявіў, што краіне патрэбна не менш як 128 самалётаў.