Сілавікі канфіскавалі больш за мільён даляраў у беларускага бізнэсоўца

Ён затрыманы.

Уладальніка кампаніі па вытворчасці катараў падазраюць ва ўхіленні ад выплаты падаткаў. Падчас ператрусу ў ягоным доме, як паведамляюць сілавікі, канфіскавана больш за мільён даляраў, піша прэс-служба Камітэта дзяржаўнага кантролю.

Гомельская камерцыйная структура займалася вытворчасцю прагулачных і спартыўных катараў, а таксама кампазітных басэйнаў і саўнаў.

«Высветлілася, што кампанія ўхілялася ад выплаты падаткаў, прадаючы сваю прадукцыю за межы краіны. Па фіктыўных дакументах катары і іншыя вырабы спачатку рэалізоўваліся на адрас падкантрольнай уладальніку бізнэсу фірмы-пракладкі, зарэгістраванай у Бранскай вобласці. Пры гэтым кошт катараў, басэйнаў і саўнаў быў мінімальным (крыху вышэйшым за сабекошт). У наступным вырабленыя тавары прадавалася пакупнікам з Расеі ўжо па рынкавым кошце. Насамрэч прадукцыя першапачаткова пастаўлялася канчатковым пакупнікам, а фірма-пракладка была патрэбная для ўтойвання прыбытку і незаконнай мінімізацыі падаткаў. Устаноўленыя факты нявыплаты бізнэсоўцам падатку на прыбытак у суме, не меншай як 105 тысяч рублёў», — гаворыцца ў прэс-рэлізе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com