20 лiпеня 2024, Субота, 7:11
Падтрымайце
сайт
Сім сім,
Хартыя 97!
Рубрыкі

Біткоін умацаваў пазіцыі Трампа сярод рэспубліканцаў

5
Біткоін умацаваў пазіцыі Трампа сярод рэспубліканцаў

Вынікі апытання.

Апытанне, праведзенае кампаніяй Paradigm, выявіла, што падтрымка крыптавалют былым прэзідэнтам Дональдам Трампам станоўча паўплывала на яго рэйтынг сярод рэспубліканцаў. Аб гэтым піша Coindesk, спасылаючыся на звесткі даследавання.

Апытанне было праведзенае сярод больш чым тысячы патэнцыйных выбарцаў-рэспубліканцаў у сярэдзіне чэрвеня.

Згодна з вынікамі апытання, больш за чвэрць рэспубліканцаў (28%) праявілі цікавасць да крыптавалютаў, інвестуючы ў іх свае сродкі. Актыўнасць пераважна назіраецца сярод маладзейшых рэспандэнтаў, а таксама сярод мужчын і прадстаўнікоў «каляровага» насельніцтва.

Акрамя таго, большасць апытаных (60%) выказалі меркаванне, што кангрэс павінен устанавіць дакладныя правілы рэгулявання для крыптавалютнага бізнэсу.

«Рэспубліканцы ўсведамляюць папулярнасць крыптавалюты і падтрымліваюць ужыванне захадаў для ўстанаўлення дакладных і прадказальных правілаў», – напісалі ў тлумачальнай запісцы галоўны юрыст Paradigm Кэці Бібер і кіраўнік па сувязях з урадам Алекс Грыў.

94% рэспандэнтаў выказаліся за захаванне канфідэнцыйнасці сваіх уласных фінансавых звестак. Сярод тых, хто знаёмы з канцэпцыяй лічбавых валют цэнтральных банкаў (CBDC), 68% выступілі супраць укаранення такой сістэмы ў ЗША.

Нацыянальны камітэт Рэспубліканскай партыі абвясціў на гэтым тыдні аб уключэнні падтрымкі лічбавых актываў у палітычны парадак дня партыі, што ўказвае на ўвагу рэспубліканскіх лідараў да меркавання выбарцаў, настроеных станоўча да крыптавалютаў.

Дональд Трамп працягвае барацьбу за лідарства ў перадвыбарнай гонцы з прэзідэнтам Джо Байдэнам. Паводле апошніх агульнанацыянальных апытанняў, разрыў паміж кандыдатамі мінімальны. Аднак пасля першых дэбатаў на CNN, дзе Байдэн, на думку гледачоў, выступіў няўпэўнена, перавага Трампа крыху павялічылася.

Апытанне адбылося задоўга да першых тэлевізійных дэбатаў, па выніках якіх вядомыя сябры дэмакратычнай партыі загаварылі аб замене Джо Бадэна на іншага кандыдата.

З канца чэрвеня на крыптаплатформе Polymarket прыкметна выраслі стаўкі на тое, што Джо Байдэн здыме сваю кандыдатуру з прэзідэнцкай гонкі ў ЗША. Пул галасавання ўжо складае амаль $13 млн, і 44% яго ўдзельнікаў ставяць на станоўчы вынік. Самым папулярным рынкам стаў прагноз на вынікі лістападаўскіх выбараў прэзідэнта ЗША. На 10 ліпеня імавернасць абрання Дональда Трампа ацэньвалася на 63%, Джо Байдэна - на 17%, паводле сайта Polymarket.

Крыптавалюты сталі важным пытаннем на парадку прэзідэнцкіх выбараў у ЗША. Звесткі кампаніі Grayscale паказваюць, што 53% рэспандэнтаў гатовыя аддаць голас за кандыдата, арыентаванага на крыптавалюту.

Лічбы паказваюць, што крыптаэлектарат здольны паўплываць на выбары. На паведамленні Forbes, кожны пяты амерыканец ужо валодае крыптавалютай і падтрымка гэтага выбарчага блока дае велізарныя магчымасці кандыдатам.

У крыптаіндустрыі вызначаюцца зрухі дзякуючы новай падтрымцы сектара з боку Дональда Трампа. Гэта вымусіла дэмакратаў змякчыць сваю пазіцыю ў дачыненні да лічбавых актываў ва ўмовах напружанай перадвыбарнай кампаніі, гаворыцца ў справаздачы аднаго з найбуйнейшых маркетмэйкераў крыптавалютнага рынку - кампаніі GSR.

У публічных выступах Трамп абяцае «пакласці канец вайне Джо Байдэна з крыптавалютай і зрабіць так, каб будучыня біткоіна стваралася ў Амерыцы». Палітык заклікае галасаваць за сябе ўсіх, каму «падабаецца крыптавалюта ва ўсякай яе праяве».

Аналітыкі банка Standard Chartered мяркуюць, што курс біткоіна можа вырасці да $100 тысяч да прэзідэнцкіх выбараў у лістападзе. Аптымістычным сцэнарам, на іх думку, з'яўляецца перамога Дональда Трампа.

Напісаць каментар 5

Таксама сачыце за акаўнтамі Charter97.org у сацыяльных сетках