Столтэнбэрг: Найлепшы спосаб забяспечыць «спыненне агню» - гэта сяброўства Украіны ў NATO
6- 10.07.2024, 19:25
- 3,630
Украіне неабходныя гарантыі бяспекі.
Найлепшы спосаб забяспечыць «спыненне агню» на фронце - гэта сяброўства Украіны ў NATO.
Пра гэта паведамляе РБК-Украіна са спасылкай на заяву генеральнага сакратара Альянсу Енса Столтэнбэрга на Грамадскім форуме NATO.
Столтэнбэрг адзначыў, што калі баі ва Украіне спыняцца, то ён «хоча пераканацца, што гэта сапраўды канец вайны, бо тое, што мы бачылі, з'яўляецца шляхам агрэсіі».
Ён нагадаў, што спачатку Расея анэксавала Крым, а праз некалькі месяцаў акупанты пайшлі на ўсход Данбаса.
«Мы сказалі, што гэта недапушчальна. Тады ў нас было першае Менскае пагадненне аб вызначэнні лініі спынення агню. Гэта было парушана, і Расея прасунула лінію фронту далей на захад у 2014 годзе. У нас быў «Менск-2» у 2015 годзе, і тады расейцы чакалі сем гадоў і мелі поўнамаштабнае ўварванне ва Украіну ў 2022 годзе», - сказаў генеральны сакратар NATO.
У выніку, з яго слоў, «мы ўбачылі схему, калі расейцы бралі Украіну кавалачкамі».
«Такім чынам, калі зараз будзе новае спыненне агню, новая дамова, мы павінны быць на 100% упэўненыя, што на гэтым яно скончыцца, незалежна ад таго, дзе гэтая лінія. І таму я цвёрда веру, што падчас спынення баявых дзеянняў мы павінны забяспечыць, каб ва Украіны былі магчымасці для стрымлівання будучай агрэсіі з боку Расеі», - падкрэсліў Столтэнбэрг.
Ён дадаў, што для спынення агню на фронце Украіне неабходныя гарантыі бяспекі.
«І, вядома, найлепшай і наймацнейшай гарантыяй бяспекі будзе 5-ы артыкул. Таму я мяркую, што спосаб забяспечыць спыненне гэтага - гэта фактычна сяброўства ў NATO», - адзначыў генеральны сакратар Альянсу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
