Эпідэміёлагі паказалі, хто жыве ў беларускіх фантанах

Вы дакладна больш не захочаце соваць туды рукі.

Эпідэміёлагі нагадваюць: гарадскія фантаны патрэбныя для любавання імі і для прахалоды ў спякотны дзень, але ў іх нельга купацца, піць ваду і нават проста мыцца. Каб падмацаваць сваю думку, супрацоўнікі Магілёўскага занальнага цэнтра гігіены і эпідэміялогіі ўзялі спробы вады ў некалькіх фантанах горада і расказалі пра вынікі, а таксама паказалі фота іх насельнікаў, паведамляе «Люстэрка».

У пачатку ліпеня спецыялісты ўзялі спробы вады ў трох магілёўскіх фантанах: у скверы 40 гадоў Перамогі, каля гандлёвага цэнтра «Атрыум» і ў раёне Першамайскай, 31.

Высветлілася, што ў іх ва ўсіх жыве кішачная палачка, прычым у ладных канцэнтрацыях. Калі ў першым фантане ўтрыманне бактэрый яшчэ ўкладваецца ў норму вады для купання (не больш за 100 СЁЕ/1 куб. см), то ў другім – перавышае яе ажно ў 6,2 разы, у трэцім – у 2,3 разы.

Іншымі словамі, у двух з трох абследаваных фантанаў не варта нават мыцца і мачыць рукі, а піць катэгарычна нельга ні з якога.

Акрамя таго, эпідэміёлагі «ўжывую» паказалі на фота калоніі мікраарганізмаў, якія жывуць ва ўзятай з фантанаў вадзе.

Спецыялісты нагадваюць: гарадскія фантаны створаныя для эстэтычнай асалоды і для таго, каб асвяжыцца побач з імі ў спякоту. Аднак у іх нельга ні купацца, ні тым больш піць адтуль.

Вада ў фантане абнаўляецца рэдка, не чысціцца і не праходзіць абеззаражанне, як, напрыклад, у басейнах. А ў спякоту ў ёй размножваюцца мікраарганізмы.

Купанне ў фантане можа павярнуцца не толькі прастудай, але і больш сур'ёзнымі захворваннямі: вострай кішачнай інфекцыяй, рэспіраторнай інфекцыяй, кан'юктывітамі, галоўную ж небяспеку ўяўляюць энтэравірусныя, ротавірусныя інфекцыі, вірусны гепатыт А.

Акрамя таго, можна атрымаць траўму пры падзенні, а таксама электратраўму, бо да фантанаў падведзеныя розныя камунікацыі і падсвятленні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com