NATO прыняло рэзалюцыю наконт Лукашэнкі
39- 11.07.2024, 9:28
- 23,122
Дыктатар працягвае садзейнічаць вайне.
Паглыбленне палітычнай і вайсковай інтэграцыі Расеі ў Беларусь, уключаючы размяшчэнне перадавых расейскіх вайсковых магчымасцей і персаналу, мае негатыўныя наступствы для рэгіянальнай стабільнасці і абароны Альянсу, гаворыцца ў дэкларацыі Вашынгтонскага саміту, прысвечанага 75-й гадавіне стварэння Альянсу.
У дакуменце адзначаецца, што Беларусь працягвае садзейнічаць агрэсіўнай вайне Расеі супраць Украіны.
«Беларусь працягвае садзейнічаць гэтай вайне, падаючы сваю тэрыторыю і інфраструктуру. Паглыбленне палітычнай і вайсковай інтэграцыі Расеі ў Беларусь, уключаючы размяшчэнне перадавых расейскіх вайсковых магчымасцей і персаналу, мае негатыўныя наступствы для рэгіянальнай стабільнасці і абароны Альянсу», - заявілі ўдзельнікі саміту.
У дэкларацыі адзначаецца, што безадказная ядзерная рыторыка Расеі і прымусовыя ядзерныя сігналы, уключаючы абвешчанае размяшчэнне ядзернай зброі ў Беларусі, дэманструюць пазіцыю стратэгічнага запалохвання.