Крэмль занерваваўся праз удзел Арменіі ў саміце NATO

Намеснік Лаўрова ўбачыў у гэтым «дэстабілізацыю» на Паўднёвым Каўказе.

У расейскага боку выклікае вялікае шкадаванне ўдзел Арменіі ў саміце NATO ў Вашынгтоне, заявіў РІА «Новости» намеснік кіраўніка МЗС РФ Міхаіл Галузін.

«Гаворачы аб сферы бяспекі, хачу падкрэсліць, што Арменія застаецца членам АДКБ, выступае ўдзельнікам шматлікіх двухбаковых дамоўленасцей у вайсковай і вайскова-тэхнічнай галінах», - дадаў ён.

«У Арменіі аддаюць перавагу нарошчваць узаемадзеянне з NATO або асобнымі ўдзельнікамі альянсу, асабліва ў частцы ўкаранення натаўскіх стандартаў, закупаў узбраенняў або правядзення супольных мерапрыемстваў баявой падрыхтоўкі, не кажучы аб удзеле ў саміце гэтага вайскова-палітычнага блока, які праходзіць у Вашынгтоне. Гэта не можа не выклікаць нічога, акрамя крайняга шкадавання», - заявіў намеснік кіраўніка МЗС РФ.

Са слоў Галузіна, «паглыбляючы такімі тэмпамі супрацоўніцтва з тымі, чыя мэта — стратэгічная параза Расеі, Ерэван сваімі рукамі рызыкуе сур'ёзна дэстабілізаваць абстаноўку на Паўднёвым Каўказе на шкоду ў тым ліку ўласнай бяспецы».

«Думаю, дасведчаныя спецыялісты і палітыкі ў Арменіі разумеюць магчымыя выдаткі ад такіх неабачлівых крокаў», - дадаў ён, даючы зразумець, што Расея гэта так не пакіне.

Міністр замежных спраў Арменіі Арарат Мірзаян узяў удзел у некаторых мерапрыемствах саміту NATO. Кіраўнік МЗС Арменіі заявіў, што шануе цеснае супрацоўніцтва з NATO, пра гэта ён напісаў у Х.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com