У Беларусі могуць забараніць вэйпы
32- 11.07.2024, 11:42
- 11,442
![У Беларусі могуць забараніць вэйпы](https://i.c97.org/ai/521623/aux-head-1666818083-20221024_siga_360.jpg)
На пастанову Качанавай.
Пытанне аб забароне вэйпаў разгледзелі ў так званым савеце рэспублікі, і зараз плануюць распрацаваць адпаведны законапраект, паведамілі ў эфіры дзяржТВ.
Са слоў галоўнага лекара Менскага гарадскога клінічнага анкалагічнага цэнтра Віктара Кандратовіча, задачу ўжо паставіла Наталля Качанава.
З яго слоў, акрамя сэрцава-судзінных захворванняў, якія могуць выклікацца ў тым ліку выкарыстаннем вейпа, ёсць анкалагічныя захворванні. Таму што вэйпы, хоць з нікацінам, хоць без нікаціну, у кожным выпадку ўтрымліваюць шмат фармальдэгідаў, якія выклікаюць у тым ліку анкалагічныя захворванні.
«Пухліны галавы, шыі, паражніны рота, глоткі ў мужчын стаяць на пятым месцы. Асноўныя курцы - гэта мужчыны. Я хачу сказаць, што хворыя з пухлінай паражніны рота і глоткі - цягам года памірае 30% хворых», - дадаў спецыяліст.