Чарга з цяжкавікоў на 14 кіламетраў: што адбываецца на мяжы Беларусі і Польшчы

Рух практычна спыніўся.

Беларуская мытня ўчора, 10 ліпеня, заявіла, што Польшча закрыла ўезд для беларускіх фургонаў на пераходзе «Кукурыкі - Казловічы». Адзначым, гэта адзіны пункт пропуску для грузавога транспарту.

Пазней Польшча зняпраўдзіла заяву беларускага боку, што мяжа закрытая, але ясна дала зразумець, што ўвяла неафіцыйную забарону - значна знізіла пропуск цяжкавікоў з Беларусі.

Аб гэтым заявіў на прэс-канферэнцыі 10 ліпеня афіцыйны прадстаўнік Люблінскага аддзялення падатковай управы Міхал Дзерусь, піша RMF24.

Дзярусь растлумачыў, польскі бок праводзіць кантроль тавараў у сувязі з набыццём моцы новых санкцый ЕЗ.

«Мытна-фіскальная служба правярае тавары, якія перавозяцца, на адпаведнасць дзейным польскім і еўрапейскім нормам, што ўплывае на колькасць афармленых грузавых аўтамабіляў на грузавым пагранічным пераходзе «Кукурыкі-Казловічы» з тэрміналам у Карошчыне і на пасажырскім пагранічным пераходзе ў Тэрэспалі», - сказаў Дзерусь.

Варта адзначыць, што ўчора, калі беларускі бок заяўляў аб «закрыцці пераходу», уезду ў Польшчу чакалі амаль 600 грузавікоў. Сёння ж чарга павялічылася. На момант напісання артыкула выезду з Беларусі чакалі 800 фургонаў.

У чатах для дальнабойнікаў пішуць, што чэргі дасягаюць 14 кіламетраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com