Бульба ў Беларусі падаражэла на 109%

Гадавая інфляцыя расце другі месяц запар.

Свежую статыстыку за чэрвень аб змене коштаў на тавары і паслугі ў нашай краіне апублікаваў Белстат. З яе вынікае, што з пачатку года ў Беларусі найбольш падаражэлі паслугі - на 4%, піша bar24.by.

У спісе ёсць паслугі, кошты якіх на працягу паўгоддзя падвышаліся штомесяц. Прычым такіх нямала. Гэта рознага кшталту бытавыя паслугі. А таксама адукацыі, устаноў культуры, фізкультуры і спорту. Медыцынскія і ветэрынарныя паслугі.

У тройку паслуг, якія найбольш падаражэлі з пачатку года, увайшлі вываз смецця (19% да пачатку года), карыстанне ліфтам (17%) і турыстычныя (16%).

На другім месцы ў росце коштаў у Беларусі былі прадукты харчавання. З пачатку года яны падаражэлі ў сярэднім на 3,7%. Больш за ўсё ў кошце дадала гародніна і садавіна. Некаторыя пазіцыі падаражэлі ў разы. Бульба, напрыклад, вырасла ў кошце амаль у 2,5 разы. Бурак і морква - удвая.

Калі не браць у разлік сезонную прадукцыю, то заўважна за паўгода ў Беларусі падаражэлі аліўкавы алей і какава-парашок. На 13 адсоткаў і 12 адсоткаў адпаведна.

Нехарчовыя ж тавары ў гэты перыяд даражэлі больш павольна. Цэны на іх выраслі на 2,5% з пачатку года. Больш за ўсё дадалі некаторыя віды адзення, асобная мэбля і медыкаменты. Але рост коштаў на іх не перавысіў 10%.

ТОП-5 тавараў, якія найбольш падаражэлі з чэрвеня

Бульба - 109%

Морква - 18%

Бурак - 17%

Дашкольныя ўстановы - 9%

Санаторна-аздараўленчыя паслугі - 7%

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com