Супольнікі Украіны стварылі фонд кааліцыі дронаў
- 11.07.2024, 16:04
- 1,740
![Супольнікі Украіны стварылі фонд кааліцыі дронаў](https://i.c97.org/ai/562712/aux-head-1694015433-202307814_zsu_dron_360.jpg)
У яго ўнясуць 45 мільёнаў еўраў.
Партнёры Украіны, якія ўваходзяць у кааліцыю дронаў, стварылі агульны фонд. Сродкі адтуль будуць выкарыстоўваць на супольныя закупкі беспілотнікаў для ўкраінскіх абаронцаў.
Пра гэта паведамляе РБК-Украіна са спасылкай на прэс-службу Мінабароны Брытаніі.
Як адзначылі ў ведамстве, чальцы кааліцыі дронаў учора, 10 ліпеня, падпісалі мемарандум аб узаемаразуменні, які вызначае асноўныя кірункі дзейнасці кааліцыі, структуру кіравання і механізмы закупак.
"У адпаведнасці з гэтым мемарандумам мы ствараем агульны фонд кааліцыі дронаў пад кіраўніцтвам Вялікабрытаніі, які дае магчымасць ажыццяўляць супольныя закупкі для хуткай і эфектыўнай дастаўкі дронаў", - удакладнілі ў Мінабароны.
Цяпер Нідэрланды, Вялікабрытанія, Латвія, Новая Зеландыя і Швэцыя абавязаліся ўнесці ў фонд больш за 45 млн еўраў. Таксама чакаюцца і іншыя ўнёскі.
У брытанскім ведамстве падкрэслілі, што кааліцыя плануе паставіць ва Украіну мільён FPV-дронаў. Таксама ўдзельнікі кааліцыі працуюць над пастаўкамі і іншых беспілотнікаў, у тым ліку выведвальных, ударных, мадэрнізаваных з дапамогай штучнага інтэлекту.
Кааліцыя дронаў
Нагадаем, супольнікі Украіны сёлета стварылі кааліцыю дронаў, мэта якой даваць украінскім абаронцам беспілотнікі для абароны ад расейскіх акупантаў.
Кааліцыю ўзначалілі Латвія і Брытанія. Латвія дае прамысловасці і ваенным палігон для тэставання беспілотнікаў, каб пастаянна ўдасканальваць беспілотныя тэхналогіі.
Пры гэтым Брытанія абвясціла конкурс на распрацоўку і закупку беспілотнікаў ад першай асобы (FPV). Ужо паступіла 265 заявак.