Карл III звярнуўся да каманды Англіі ў футболе з незвычайнай просьбай
14- 11.07.2024, 19:07
- 13,156
![Карл III звярнуўся да каманды Англіі ў футболе з незвычайнай просьбай](https://i.c97.org/ai/514872/aux-head-1662711224-20220908_charlz_III_360.jpg)
Фінал чэмпіянату Еўропы пройдзе ў нядзелю.
Фінал чэмпіянату Еўропы ў Футболе Англія - Гішпанія пройдзе ў нядзелю і пачнецца а 22 гадзіне. Пасля ўчарашняга пераможнага паўфіналу кароль Карл III звярнуўся да нацыянальнай каманды.
«Мы з жонкай далучаемся да ўсёй нашай сям'і і перадаём вам самыя цёплыя віншаванні з выхадам у фінал чэмпіянату Еўропы ў футболе. А таксама перадаём свае найлепшыя пажаданні ў сувязі з нядзельным матчам.
Але я дазволю сабе заклікаць вас атрымаць перамогу да таго, як узнікне неабходнасць у якіх-небудзь цуда-галах на апошняй хвіліне або ў чарговай драме з пенальці, бо ўпэўнены, што ціск і сардэчны рытм усёй нацыі тады значна знізіцца! Поспехаў, Англія», - напісаў кароль у сябе ў сацсетках.
A message from His Majesty The King to @England following today’s #EURO2024 semi-final.
— The Royal Family (@RoyalFamily) July 10, 2024
Read the message in full on our website: https://t.co/pt2fCGXiVK pic.twitter.com/CWa6GAfRTk
У сваю чаргу новы прэм'ер Кір Стармер пажартаваў, што пакуль ва ўладзе лейбарысты, каманда ніколі не саступіць у серыі пенальці.
Каманда Англіі ніколі не перамагала на чэмпіянаце Еўропы, але аднойчы перамагла на чэмпіянаце свету. Было гэта ў 1966 годзе. Тады абышлося без пенальці, але краінай кіравалі лейбарысты: урад Гаральда Вільсана.