«Папрасілі заплаціць камісію праз паўгода»
2- 11.07.2024, 19:48
- 10,822
Беларус здзівіўся паведамленню ад банка.
Кірыл карыстаўся картай "Банка ВТБ" для пералічэння заробку, потым перастаў. Праз нейкі час пачалі прыходзіць паведамленні аб тым, што ёсць запазычанасць, перадае «Онлайнер».
- Я перастаў карыстацца карткай, і праз чатыры-пяць месяцаў мне прыйшло апавяшчэнне аб тым, што я павінен блізу 50 рублёў за тое, што здымаў грошы ў банкаматах іншых банкаў. Я пайшоў закрываць картку, пры закрыцца сказалі, што павінен заплаціць толькі чатыры-пяць рублёў, я так зразумеў, за карыстанне (грошы невялікія). Усе ОК, карта закрытая. А потым мне сталі прыходзіць паведамленні аб тым, што я вінен усё яшчэ гэтыя 50 рублёў.
Пазней у аддзяленні банка, са слоў Кірыла, яму патлумачылі, што камісія не здымалася праз збоі, таму потым яму выставілі суму адразу практычна за год.
- Згодзен, грошы здымаў, але гэта было паўгода таму, а камісію зараз надумалі зняць? Ды і здымаў я не ўсю суму адразу. Частку зняў, убачыў, што камісіі няма, падуамаў: значыць, яе няма. І далей здымаў. А потым праз паўгода атрымліваю СМС.
На скрыншотах, якімі падзяліўся Кірыл, сапраўды бачна, што банк надумаў спісаць камісію за зняцце грошай у банкаматах іншых банкаў з 19 кастрычніка 2022 года да 19 снежня 2023 года толькі праз час.
У "Банку ВТБ" пракаментавалі, што камісію сапраўды не спісалі своечасова, таму кліентам прыйшлі такія паведамленні.
Вось адказ банка:
- З тэхнічных прычын банк не змог своечасова спісаць камісію за зняцце гатоўкі у банкаматнай сетцы іншых банкаў. Мы загадзя праінфармавалі ўсіх, хто сутыкнуўся з такімі выпадкамі кліентаў аб аднаразовым спісанні платы за праведзеныя аперацыі.
Прыносім прабачэнні кліентам за дастаўленыя нязручнасці і паведамляем, што банк не будзе спаганяць плату за несвоечасовую выплату гэтай камісіі. У якасці кампенсавальнай меры мы знізілі для карыстальнікаў плату за абслугоўванне рахунку ў банку на тры месяцы да 1 капейкі.