Прэм'ерка Фрэдэрыксэн: Данія павінна аддаць Украіне ўсе свае сістэмы СПА
8- 11.07.2024, 20:01
- 6,014
![Прэм'ерка Фрэдэрыксэн: Данія павінна аддаць Украіне ўсе свае сістэмы СПА](https://i.c97.org/ai/351087/aux-head-1570477292-20191007_mette_360.jpg)
Раней Данія пастанавіла перадаць Украіне ўсю сваю артылерыю.
Украіне неабходна даць усе сістэмы супрацьпаветранай абароны, якія цяпер ёсць у распараджэнні ў Даніі.
Пра гэта падчас саміту NATO заявіла прэм'ер-міністарка Даніі Мэтэ Фрэдэрыксэн, паведамляе a target="_blank" href=https://t.me/holosameryky/15192>«Голас Амерыкі».
Яна нагадала, што раней Данія пастанавіла перадаць Украіне ўсю сваю артылерыю. Гэта зрабілі, паколькі ўкраінскія абаронцы «ўжываюць яе лепш, чым у Даніі».
«І цяпер мы павінны зрабіць тое самае з супрацьпаветранай абаронай», – дадала кіраўніца дацкага ўраду.
Нагадаем, Данія з пачатку поўнамаштабнай вайны ва Украіне дае ўкраінскім вайскоўцам тэхніку для абароны ад расейцаў. Гэта датычыцца і артылерыі.
Прэм'ерка Мэтэ Фрэдэрыксэн заяўляла, што яе краіна вылучыла Украіне ўсю сваю артылерыю, яшчэ ў лютым сёлета. Яна заклікала іншыя краіны Захаду таксама перадаваць байцам УСУ тэхніку, якая ёсць у іх на складах.
Пасля гэтага выданне Defense Express удакладняла, што гаворка пра ўсе 19 САУ Caesar, якія былі ў Даніі. Замест гэтага краіна набыла ізраільскія САУ Atmos.
Дарэчы, у сакавіку сёлета дацкія ўлады анансавалі чарговы пакет дапамогі Украіне, які прадугледжваў вылучэнне грошай на закупкі САУ Caesar.