У менскім двары лавілі экзатычную змяю

Відэа.

Змяю яркай афарбоўкі заўважылі 11 ліпеня ў адным з двароў Менска па вуліцы Аэрадромнай, расказвае агенцтва «Менск-Навіны».

Экзатычную рэптылію нават знялі на відэа: на кадрах відаць, як яна спакойна паўзе па асфальце ў бок зялёнай зоны ля дамоў.

Змяя нагадала жыхарам атрутнага каралавага аспіда з характэрнымі чырвонымі, чорнымі і светлымі кольцамі. Занепакоеныя менчукі выклікалі супрацоўнікаў МНС.

Тыя злавілі паўзуна і адвезлі ў Менскі заапарк.

Як расказалі ў асветніцкім аддзеле заапарка, па двары на Аэрадромнай паўзла малочная змяя Кэмпбэла. Яна, на шчасце, не атрутная.

Гэты від распаўсюджаны ў Мексіцы, але набірае папулярнасць як незвычайны хатні гадаванец ва ўсіх кутках планеты, у тым ліку ў Беларусі.

Не выключана, што хтосьці проста не ўсачыў за паўзучым улюбёнцам.

Цяпер змяя знаходзіцца на карантыне пад наглядам спецыялістаў. Потым яна можа стаць новай насельніцай установы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com