Залужны: Прадаўжаю служыць Украіне
16- 11.07.2024, 21:06
- 8,444
![Залужны: Прадаўжаю служыць Украіне](https://i.c97.org/ai/602504/aux-head-1720720680-20240101_zaluzny_360.jpg)
Экс-галаўкам УСУ паведаміў, што прыступіў да працы амбасадарам у Вялікай Брытаніі.
Былы галоўны камандзір УСУ Валерый Залужны паведаміў 11 ліпеня ў Facebook, што прыступіў да выканання абавязкаў амбасадара Украіны ў Вялікай Брытаніі.
«Прадаўжаю служыць Украіне. Прыступіў да выканання абавязкаў надзвычайнага і паўнамоцнага амбасадара Украіны ў Злучаным Каралеўстве Вялікай Брытаніі і Паўночнай Ірландыі. Уручыў копіі даверчых граматаў віцэ-маршалу дыпламатычнага корпуса, акрэдытаванаму пры Каралеўскім палацы, кіраўніцы структурнага падраздзялення ў пытаннях пратакола Форын Офіса Вікторыі Басбі», – напісаў Залужны.
Ён адзначыў, што перамога Украіны ў вайне супраць РФ застаецца прыярытэтам ягонай дзейнасці і дзейнасці ўкраінскай амбасады.