УСУ паўторна ўдарылі па самым прэстыжным касмічным палігоне Расеі
3- 13.07.2024, 10:54
- 9,016
На ім выпрабоўвалі ЗРК С-500.
Украіна на днях атакавала дронамі Капусцін Яр – самы прэстыжны касмічны выпрабавальны палігон Расеі, піша Forbes.
«Гэта другі ўкраінскі ўдар за два тыдні па расейскім касмічным аб'екце. У канцы чэрвеня ўкраінскія беспілотнікі нанеслі ўдар па аб'екце касмічнай сувязі НІП-16 у акупаваным Расеяй Крыме. Расейцы, відавочна, выкарыстоўваюць магутныя радыёстанцыі НІП-16 для сувязі з вайсковымі спадарожнікамі, таму цалкам лагічна, што ўкраінцы нацэліліся на яго», – гаворыцца ў публікацыі.
Чаго менавіта хацелі дамагчыся ўкраінцы, нанёсшы ўдар па Капусціным Яры, менш ясна, піша выданне.
«Апошнія гады Крэмль праводзіў выпрабаванні зенітна-ракетных сістэмаў у Капусціным Яры, у тым ліку найноўшага С-500, адзіны асобнік якога знаходзіцца ў Крыме і, магчыма, нядаўна зазнаў напад з боку Украіны», – дадалі ў Forbes.
Для Расеі шкода можа быць у асноўным палітычнай. Менавіта так ідзе справа са шматлікімі налётамі ўкраінскіх дронаў, мяркуюць у выданні.
«Гэтыя ўдары носяць хутчэй палітычны, чым вайсковы характар, і накіраваныя на тое, каб чыніць ціск на Пуціна перад расейскім народам», – адзначыў адстаўны аўстралійскі вайсковец Мік Раян.
Таксама гэты ўдар у артыкуле назвалі «яшчэ адным злавесным знакам для Расеі»: яе найбольш важныя ваенныя і прамысловыя аб'екты церпяць ад атакі ўкраінскіх дронаў. Адчуваючы нястачу сістэмаў СПА, мабыць, РФ аддала перавагу не ахоўваць Капусцін Яр.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
