Трамп прапанаваў Байдэну разам прайсці тэст на разумовыя здольнасці

Экс-прэзідэнт ЗША не першы раз заяўляе пра неабходнасць прайсці такія тэставанні.

Былы прэзідэнт ЗША Дональд Трамп прапанаваў цяперашняму амерыканскаму лідару Джо Байдэну разам прайсці тэст на разумовыя здольнасці. Пра гэта ён напісаў на сваёй старонцы ў сацсетцы Social Truth.

«Джо павінен неадкладна прайсці тэставанне на разумовыя здольнасці, я прайду яго разам з ім. Будзем з ім упершыню ў адной камандзе», – заявіў Трамп.

Ён адзначыў, што «з гэтага моманту ўсе кандыдаты ў прэзідэнты павінны абавязкова прайсці тэст на кагнітыўныя здольнасці незалежна ад узросту».

Трамп не першы раз заяўляе пра неабходнасць прайсці такія тэставанні. У снежні 2023 года ён таксама прапанаваў усім прайсці тэст на разумовыя здольнасці, адзначыўшы, што з бляскам прайшоў медагляд і здаў кагнітыўны іспыт. Тады ён сказаў, што Байдэн не здольны здаць тэст.

У лютым 2024 года Трамп паведаміў у сваёй сацсетцы Truth Socia, што «без памылак» справіўся з двума тэстамі, і настойваў, каб тое самае зрабіў Байдэн. «Можа быць, так мы зможам высветліць, чаму ён прымае такія жудасныя пастановы», – адзначаў экс-прэзідэнт.

У ходзе дэбатаў у чэрвені 2024 года Трамп зноў нагадаў, што прайшоў тэсты на кагнітыўныя здольнасці. Тады ён прапанаваў прайсці яго і Байдэну, адзначыўшы, што гэта вельмі лёгкі тэст. Дзейны кіраўнік дзяржавы заявіў, што Трамп малодшы за яго на тры гады і «значна менш кампетэнтны».

Цяперашняму прэзідэнту ЗША цяпер 81 год, ягонаму апаненту – 78 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com